Եգիպտոսի զբոսաշրջության նախարար Հիշամ Զազուն հրաժարական է տվել՝ ի նշան բողոքի Լուկսորի նահանգապետի պաշտոնում իսլամիստների կողմնակից Ադել Ալ-Հայաթի նշանակման դեմ: Այս մասին հայտնում է Daily Star-ը:
Ավելի ուշ հայտնի է դարձել, որ Եգիպտոսի վարչապետ Հիշամ Կանդիլը չի ընդունել Զազուի հրաժարականը: Նա էլ իր հերթին հայտարարել է, որ չի կատարի պարտականությունները, քանի դեռ Ալ-Հայաթը չի հեռացել Լուկսորի նահանգապետի պաշտոնից:
Նախարարի խոսքով՝ «Ջամաա Ալ-Իսլամիա» արմատական խմբավորման նախկին ղեկավարներից մեկը հանդիսացող Ալ-Հայաթի թեկնածությունը չի համապատասխանում նահանգապետի պաշտոնին: Նա նաև հավելել է, որ նրա նշանակումը հարված է Եգիպտոսի զբոսաշրջությանը:
Ավելի վաղ նահանգապետի փոխարինման պահանջով հանդես է եկել Եգիպտոսի տուրօպերատորների միությունը:
