Կալիֆոռնիական Սան Դիեգոյում տեղի են ունեցել բախումներ Հանրապետական կուսակցությունից ԱՄՆ նախագահի պաշտոնին հավակնող Դոնալդ Թրամփի կողմնակիցների ու հակառակորդների միջև։ Այս մասին հայտնում է CNN-ը։
Մոտ 1000 մարդու մասնակցությամբ միջադեպը տեղի է ունեցել նախընտրական միջոցառումից հետո, որը միլիարդատերն անցկացրել է քաղաքում։ Ցուցարարները թեկնածուին և նրա կողմնակիցներին սպասել են խորհրդաժողովների կենտրոնի սահմաններից դուրս՝ արտահայտելով իրենց անհամաձայնությունը Թրամփի հակամիգրացիոն հռետորաբանության հետ։
Երկու կողմերը միմյանց ուղղությամբ նետել են տարբեր առարկաներ՝ հիմնականում շշեր։ Իրավիճակին միջամտել է ոստիկանությունը։
Ավելի ուշ Թրամփն իր թվիթերյան միկրոբլոգում շնորհակալություն է հայտնել ոստիկանությանը՝ «գլխակերներին զսպելու ֆանտաստիկ աշխատանքի համար»։
