Այսօր Հյուսիսային Իռլանդիայում մեկնարկած «Մեծ ութնյակի» գագաթնաժողովին արտասովոր դեպք է տեղի ունեցել: Բարաք Օբաման առաջ է անցել Վլադիմիր Պուտինից, ով ցանկացել է սպորտով զբաղվել: Օբաման նրանից շուտ է զբաղեցրել այն հանգստյան տան մարզասրահը, որտեղ տեղավորել են բարձրաստիճան հյուրերին:
Times-ը նշում է, որ այդ իսկ պատճառով Վլադիմիր Պուտինը ստիպված կլինի առավոտյան՝ G8-ի գագաթնաժողովի պաշտոնական մասից առաջ, մարզասարքերի վրա մարզվելու փոխարեն լողալ տեղի Լոխ-Էրն լճի սառը ջրում:
Միջոցառման կազմակերպիչների տվյալներով՝ Օբաման և Պուտինը ցանկացել են առավոտները հանգստյան տան մարզասրահում մարզվել, և նրանց ներկայացուցիչները համապատասխան հայտեր են ներկայացրել: Ամերիկացները մի փոքր շուտ են ներկայացրել իրենց հայտը: Պուտինը ստիպված է եղել զիջել:
