Կառավարությունը մայիսի 5-ի նիստում հաստատեց ԱԺ երկու պատգամավորների հեղինակած «Արցախի Հարնապետության անխախությունը ճանաչելու մասին» օրինագծի վերաբերյալ եզրակացությունը, որտեղ ասված էր, որ Կառավարությունը ներկայացված օրենքի նախագծի ընդունումը կպայմանավորի Հայաստանի և Արցախի միջև քննարկումների արդյունքներով՝ հաշվի առնելով հետագա զարգացումները, այդ թվում՝ նաև արտաքին գործոնները:
Թեմային ԳՄ նիստից հետո անդրադարձալ է նաև ՀՀԿ-ի խոսնակ Է. Շարմազանովը՝ վերահաստատելով նախագահ Ս. Սարգսյանի հայտարարությունն այն մասին, որ Հայաստանը Արցախի անկախությունը կճանաչի այն դեպքում, եթե Ադրբեջանը լայնածավալ պատերազմական գործողություններ սկսի Հայաստանի դեմ:
«Առաջին լրատվական»- ը թեմայի շուրջ զրուցեց նաև ՀՀԿ ԳՄ անդամ ԱԺ ՀՀԿ խմբակցության պատգամավոր Սամվել Նիկոյանի հետ: Նրա խոսքով՝ Կառավարությունն այս պահին ոչ դրական եզրակացություն է տվել նախագծին, դրական եզրակացություն տվել է արտաքին գործերի նախարարության դիրքորոշմանը: «Բոլորի մոտ այնպիսի տպավորություն է, որ Կառավարությունը քննարկել է ԼՂ անկախությունը ճանաչելու մասին հարցը. Կառավարությունը նման հարց չի քննարկել, քննարկել է երկու պատգամավորների օրենսդրական նախաձեռնությանը եզրակացություն տալու հարցը»:
Նախագիծն արդեն ԱԺ-ում է, քանի որ պատգամավորական նախաձեռնություն է: Ըստ . Ս. Նիկոյանի, անկախ նրանից, դրական, թե բացասական է եզրակացությունը, նախագիծը պետք է քննարկվի ԱԺ արտաքին հարաբերությունների մշտական հանձնաժողովւմ սահմանված ժամկետում:
«Հայաստանի կողմից Լեռնային Ղարաբաղի անկախության ճանաչման հարցը պարբերաբար քննարկվում է, և մինչև այժմ մենք ասել ենք, որ այս պահին մենք նպատակահարմար չենք գտնում»:
Ըստ Ս. Նիկոյանի՝ նախագծի վերաբեյալ ՌԴ արտաքին գործերի նախարարի, ինչպես նաև ԱՄՆ արձագանքը ուղերձ էր բոլորին՝ թե՛ ԵԱՀԿ Մինսկի խմբի համանախագահներին, թե՛ Ադրբեջանին, թե՛ Հայաստանին:
Չի կարելի բաց թողնել բուն կոնֆլիկտի պատճառը և փորձել գնալ լուծումների, հետևանքների վերացման ուղղությամբ:
Մանրամասները՝ տեսանյութում:
