Այովայի համալսարանի գիտնականները մշակել են հատուկ ալգորիթմ, որը Twitter-ի հաղորդագրություններով սահմանում է երջանկության մակարդակը և մարդու բավարարվածության աստիճանն իր կյանքի ընթացքում: Հետազոտողները վերլուծել են 3 միլիարդ թվիթ «ես», «ինձ» և «իմ» բառերով, հայտնում է The TeCake-ը:
Հետազոտությունը ցույց է տվել, որ երջանիկ մարդկանց թվիթները կախված չեն եղել այնպիսի իրադարձություններից, ինչպիսիք են սովը, երկրաշարժը, խոշոր սպորտային միջոցառումները կամ ընտրությունները: Մասնագետները նաև պարզել են, որ դժբախտ մարդիկ հաճախ են օգտագործում անձնական դերանուններ, կապեր և անհարգալից բառապաշար իրենց հաղորդագրություններում:
Իրենց կյանքից դժգոհ մասնակիցները 10 տոկոսով ավելի հաճախ են օգտագործել «հետևում է», «կլինի», «սպասել», «հուսալ», «կարիք ունենալ» բառերը, որոնք արտահայտում են ապագայի հույսեր: Իսկ կյանքից գոհ, երջանիկ մարդիկ հիմնականում իրենց հաղորդագրություններում օգտագործել են դրական բառեր և քննարկել են դրական թեմաներ:
