«Պորտու»-ի և Իսպանիայի հավաքականի դարպասապահ Իկեր Կասիլյասը գնահատել է իր նախկին ակումբի՝ Մադրիդի «Ռեալ»-ի հեռանկարները Պրիմերայի և Չեմպիոնների լիգայի ընթացիկ մրցաշրջաններում:
«Գիտեմ, թե ինչն է «Բարսելոնա»-ի ճգնաժամի պատճառը: Եթե 3 շաբաթ առաջ ինձ ասեին, որ նման բան կկատարվի, չէի հավատա: Ես շատ ուրախ եմ, քանի որ «Ռեալ»-ը շատ մոտ է առաջատարներին, ինչն ավելի վաղ անհնարին էր թվում:
«Արքայական ակումբ»-ը Չեմպիոնների լիգայի ֆավորիտ է: Ուժեղ թիմեր են նաև «Բավարիա»-ն և «Բարսելոնա»-ն: Պետք է հաշվի նստել նաև «Ատլետիկո»-ի հետ: Կարծում եմ՝ կիսաեզրափակչի բոլոր մասնակիցները Չեմպիոնների լիգայի գավաթակիր դառնալու հնարավորություն ունեն»,- Marca-ն մեջբերում է Կասիլյասի խոսքերը:
