Թուրքական Cumhuriyet թերթի փոխանցմամբ, Թուրքիայի ռազմական արդյունաբերության փոխնախարար Մուրադ Բայարը հայտարարել է, որ տարածաշրջանային ուժի վերածվող Թուրքիան հնարավորություն ունի արտադրել սեփական ավիակիր, ինչի մասին նշված է «2009-2016 թվականներին պաշտպանական արդյունաբերության ոլորտային ռազմավարական փաստաթղթում»:
Սակայն դա շատ թանկարժեք նախագիծ է: Ծովում նրա մեկ պարեկությունը գնահատվում է 100 միլիոն դոլար, քանի որ դրա ժամանակ այդ վիթխարի նավին պետք է ուղեկցեն նվազագույնը 2 նոր էսկադրոնային ականակիրներ, 1 սուզանավ, 1 ASW և 1 ASuW ակուստիկ համակարգեր, 1 սովորական աջակցության ուղղաթիռ, 4 հրիթռային մոտորանավակ, նավի վրա իջնելու և բարձրանալու ունակություն ունեցող 40 մարտական ինքնաթիռի անձնակազմ, վառելիքային լցանավ: Այս բոլոր նավերն ունենալու են 1000-5000 հոգանոց անձնակազմ:
Հիշեցնենք, որ փետրվարին նշվում էր, թե Թուրքիան պատրաստվում է ավելի քան 8 միլիոն դոլարով Մեծ Բրիտանիայից գնել 1970-ական թվականների վերջին կառուցված և 1982 թվականին Ֆոլկլենդյան պատերազմին մասնակցած Invincible թեթև ավիակիրը:
