Վրացական Georgia Times կայքի փոխանցմամբ, Վրաստանի նախկին նախագահ էդուարդ Շևարդնաձեն հայտարարել է, որ Վրաստանի ներկայիս նախագահ Միխեիլ Սաակաշվիլին կարող է երրորդ անգամ մնալ նախագահական պաշտոնում, եթե դասեր քաղի գործած սխալներից.
«Չեմ կարող ասել, թե ներկայումս Վրաստանում տիրում է նորմալ իրավիճակ, քանի որ այն պայթունավտանգ է: Միայն Աստծուն է հայտնի, թե երբ այն կպայթի: Ամեն ինչ կախված է ժողովրդի կամքից: Եթե իշխանությունները զիջումների գնալու բաց ցանկություն ունեն, ապա նրանք պետք է գնան այդ քայլին:
Եթե Սաակաշվիլին ցանկանում է երրորդ անգամ մնալ նախագահական պաշտոնում, նա պետք է թափանցիկ ընտրություններ անցկացնի: Նա արդեն երկու անգամ մասնակցել է նախագահական ընտրություններին, սակայն կարող է փոխել օրենքը և երրորդ անգամ մասնակցել դրանց: Ես չեմ բացառում, որ իրադարձությունները կարող են ընթանալ հենց այդպիսի սցենարով»:
Հիշեցնենք, որ մարտի վերջին Շևարդնաձեն հայտարարել էր, թե Սաակաշվիլին դեռևս արժանի չէ բռնապետ կոչվելուն, բայց եթե նա երկար ժամանակ մնա իր ներկայիս պաշտոնին, ապա նրա մոտ կարող են ի հայտ գալ բռնապետական հակումներ: