Գերմանիայի կառավարությունը համաձայնել է 1 մլրդ դոլար օգնություն հատկացնել Հոլոքոստից փրկվածներին, հայտնում է The Washington Post-ը:
Այս մասին հայտարարել է հրեական նյութական հարցերի հանձնաժողովի մամլո-քարտուղար Հիլարի Կեսլեր-Գոդինը: Նրա խոսքերով՝ դրամական միջոցները ծախսվելու են 46 երկրում 56 հազար մարդու սոցիալական կարիքները հոգալու վրա:
Համաձայնագրի պայմանների համաձայն՝ Գերմանիայի իշխանությունները վերոնշյալ գումարը կհատկացնեն 2014-2017 թթ.:
Գումարի չափը որոշվել է հանձնաժողովի ներկայացուցիչների ու Երուսաղեմում Գերմանիայի ֆինանսների նախարարության ներկայացուցչի բանակցությունների արդյունքում:
