MI5-ի նախկին ղեկավար Ստելլա Ռիմինգթոնը բրիտանացի ժողովրդին կոչ է արել լրտեսել հարևաններին և իրավապահներին տեղեկացնել ենթադրյալ ծայրահեղականների մասին՝ հաղորդում է The Daily Mail-ը:
78-ամյա Ռիմինգթոնի կարծիքով՝ իրավապահները չեն կարող բացահայտել բոլոր առկա վտանգները, այդ իսկ պատճառով շարքային քաղաքացիները պետք է «ցուցաբերեն պատերազմական ժամանակների աչալրջություն» ու դառնան կառավարության «աչքերն ու ականջները»:
Մեծ Բրիտանիայի անվտանգության ծառայության նախկին ղեկավարը նման մեկնաբանություն է արել՝ կապված Վուլիչում զինվորական Լի Ռիգբիի սպանության հետ՝ նշում է թերթը:
Ռիմինգթոնը հայտարարել է, որ իրավապահ մարմինները ստիպված են առաջնահերթությունը տալ միայն ամենավտանգավոր սպառնալիքներին, քանի որ Բրիտանիայում ծայրահեղականներ են դառնում հազարավոր մարդիկ:
Ինչպես ենթադրում է MI5-ի նախկին ղեկավարը, երկրում հետագա ահաբեկչություններն անխուսափելի են, եթե Բրիտանիան չդառնա ոստիկանական պետություն:
