Միայն Հայաստանում չէ, որ բենզինի գները ռեկորդներ են սահմանում: Ճիշտ է, հաշվի առնելով Հայաստան բենզինի ներմուծման մենաշնորհային առանձնահատկությունները, չի կարելի ասել, որ գնաճը մեր երկրում և այլ զարգացած երկրներում համարժեք է, սակայն գների կտրուկ աճից բողոքում են նաև այնտեղ:
Վերջին երկու-երեք շաբաթներին բենզինի առաջարկի պակասի հետ կապված զգալի գնաճ է արձանագրվել Ռուսաստանում: Հիմա էլ հերթը հասել է ԱՄՆ-ին և Եվրոպային, ինչը հանգեցրել է բենզինի նկատմամբ պահանջարկի անկմանը, ինչպես նաև քաղաքային տրանսպորտով երթևեկողների թվի աճին:
Օրինակ ԱՄՆ-ում անցած շաբաթ բենիզնի վաճառքը 9.148 մլն բարելից նվազել է մինչև 8.943 բարել: Այս մասին հաղորդում է CNN-ը, իսկ մեկ գալոնի գինը (մոտ 3.8 լիտր) կազմում է մոտ 4 դոլար։ Հավայան կղզիներում այն ընդհանրապես հասել է մեկ գալոնի դիմաց 6 դոլարի:
Իտալիայում բենզինի գինը սահմանել է նոր ռեկորդ: Մեկ լիտրի արժեքը կազմում է 1.6 եվրո մեկ լիտրի դիմաց. Իտալիայում բենզինն այդքան թանկ երբևէ չի եղել:
