Դեմոկրատական կուսակցությունից ԱՄՆ նախագահի պաշտոնին հավակնող նախկին պետքարտուղար Հիլարի Քլինթոնը կիրակի ընտրողների հետ շփման շրջանակում հայտարարել է, որ իրեն հաջողվել է ստանալ որոշ համաշխարհային առաջնորդների աջակցությունը՝ հայտնում է RIA Novosti-ն։
Նրա խոսքով՝ այդ առաջնորդներն անհանգստացած են հանրապետական թեկնածու, միլիարդատեր Դոնալդ Թրամփի հռետորաբանությունից։ Նման առաջնորդների թվին է դասվում, մասնավորապես, Իտալիայի վարչապետ Մատեո Ռենցին։
«Որոշ համաշխարհային առաջնորդներ այնքան վրդովված են Թրամփի հռետորաբանությունից, որ ինձ աջակցություն են առաջարկել»,- հայտարարել է Քլինթոնը։
Նրա կարծիքով՝ ինքը միակ քաղաքական գործիչն է, ով կարող է կանգնեցնել Թրամփին։ «Ես 25 տարի քաղաքականությունում եմ»,- հիշեցրել է նա։
