ԱԺ պատգամավոր Էդմոն Մարուքյանը այսօր ԱԺ քննարկման է ներկայացրել ՀՀ քրեական օրենսգրքում փոփոխություն կատարելու մասին օրենքի նախագիծը: Պատգամավորն առաջարկում է քրեական օրենսգրքի 153-րդ հոդվածից, այն է՝ մեկից ավելի անգամ կամ այլ անձի փոխարեն քվեարկելը, հանել տուգանքը որպես պատժատեսակ և թողնել միայն 2-3 տարով ազատազրկման ձևով պատիժը:
Մարուքյանը նշում է՝ վերջին սահմանադրական հանրաքվեից հետո հարուցված քրեական գործերով այդպես էլ չի բացահայտվել հանցագործության մոտիվը, թե ինչու են տվյալ գործերով ամբաստանյալները մեկ կամ մի քանի անձանց փոխարեն քվեարկել:
Ինչ-որ մեկի՝ երկրի կառավարմանը մասնակցելու իրավունքն իրացնելը պատգամավորը որակում է հանցագործություն ժողովրդավարության դեմ:
Սահմանադրական հանրաքվեից հետո ընտրախախտումներ իրականացնողներին Հանրապետական պատգամավորներն «արջի ծառայություն» մատուցողներ են կոչում: Էդմոն Մարուքյանն իշխանությանը կոչ է անում. «Դատեք ձեզ արջի ծառայություն մատուցողներին և ազատազրկման ձևով դատեք»: