Ֆուտբոլի Իսպանիայի Լա լիգայի 26-րդ տուրի շրջանակում «Վիլյառեալ»-ն «Էլ Մադրիգալ» մարզադաշտում ընդունեց հետնապահներից «Լևանտե»-ին:
«Դեղին սուզանավեր»-ը կարողացան 3 անպատասխան գնդակ ուղարկել մրցակցի դարպասը և 26 տուրից հետո իրենց ակտիվում ունեն 52 միավոր, որով զբաղեցնում են մրցաշարային աղյուսակի 4-րդ հորիզոնականն ու 2 միավոր են զիջում առաջատար եռյակը եզրափակող Մադրիդի «Ռեալ»-ին:
Իսպանիայի Լա լիգա. 26-րդ տուր. «Վիլյառեալ» – «Լևանտե»՝ 3:0
Գոլերը՝ 12´ Բապտիստաո, 30´ Կաստիլյեխո, 48´ Ադրիան
Կարմիր քարտ՝ 56´ Նավարո(«Լևանտե»):
Իսպանիայի առաջնության 26-րդ տուրում այսօր տեղի կունենան ևս 3 հանդիպումներ: 19:00-ին «Վալենսիա»-ն «Մեստալյա» մարզադաշտում կընդունի Բիլբաոյի «Աթլետիկ»-ին, 21:15-ին տեղի կունենա «Դեպորտիվո» – «Գրանադա» հանդիպումը: Իսկ այսօրվա կենտրոնական՝ «Բարսելոնա» – «Սևիլիա» խաղը կմեկնարկի Երևանի ժամանակով 23:30-ին:
