«Լոս-Անջելես Լեյքերս»-ի պաշտպան Քոբի Բրայանթը հայտնել է, որ կարիերան ավարտելու մասին շրջանառվող լուրերն իրականության չեն համապատասխանում: Նախորդ շաբաթ Facebook-ի իր էջում բասկետբոլիստը գրել էր, որ պատրաստվում է կարևոր հայտարարություն անել, ինչն էլ առիթ է հանդիսացել նման լուրերի համար:
Twitter-ի իր էջում Բրայանթը հերքել է շրջանառվող լուրերը:
«Լու՞րջ: Ես ավարտու՞մ եմ կարիերաս: Հնարավոր է, շուտով, բայց ոչ հիմա: Ես դեռ աշխատանքներ ունեմ կատարելու»,- գրել է բասկետբոլիստը:
Պարզվել է, որ կարևոր հայտարարությունը, որի մասին գրել էր Բրայանթն այն էր, որ նա մասնակցելու է բարեգործական ակցիայի` դրամահավաքի` անտուն երեխաների համար:
