Հայտնի անձանց մեծ մասը պլաստիկ վիրաբույժների օգնությանն են դիմում ոչ թե անհրաժեշտությունից դրդված, այլ որպեսզի փորձեն պահպանել իրենց հավերժ երիտասարդությունը:
Արդյունքում նրանց մեծ մասը զղջում է կատարած վիրահատությունների համար՝ գրում է raut.ru-ն: Այսպես. Ալիսիա Դյուվալը վիրահատությունների է դիմել 17 տարեկանում: Նա ենթարկվել է քթի 6, մաշկի ձգման 11 վիրահատությունների ու այտերի իմպլանտների: Սակայն այժմ Ալիսիան ստիպված է հեռացնել դեմքի իմպլանտները:
Շերոն Օսբորնը 120 հազար ֆունտ ստեռլինգ է ծախսել մի շարք պրոցեդուրաների վրա, ներառյալ՝ լիպոսակցիա, պարանոցի ձգում, կրծքի ձևափոխում: Ներկայում նրա դեմքը կարծես պլաստիկե լինի: Նրա խոսքով՝ ինքն այլևս երբեք չի դիմի պլաստիկ վիրաբույժների օգնությանը:
Տարա Ռիդը դարձել է կրծքի անհաջող պլաստիկ վիրաբուժության զոհը (նրան համարում են ամենատգեղ կուրծք ունեցող): Կինը խոստովանում է, որ ինքն արտասվել է ու խնդրել լուսանկարիչներին չլուսանկարել իրեն՝ այնքան սարսափելի էր ամեն ինչ:
Շերը չի ամաչում խոսել իր կատարած պլաստիկ վիրահատությունների մասին՝ միաժամանակ խոստովանելով, որ իր կուրծքը մինչ վիրահատությունը ավելի լավ տեսք է ունեցել:
Ջեսիկա Սիմփսոնի շուրթերը սիլիկոնե են, ինչի արդյունքում նմանվել է բադի: Ու թեև 4 ամիս անց ամեն ինչ իր տեղն է ընկել, այնուհանդերձ՝ դերասանուհին այդ փորձը համարում է չափազանց անհաջող:
