Ռեստորանները և սրճարանները մի շարք միջոցների են դիմում, որպեսզի իրենց հաճախորդներին ստիպեն ավելի շատ ծախսել, հաղորդում է բրիտանական Guardian պարբերականը:
Դրանցից ամենահասարակը ճաշացանկում հնարավորինս շատ ուտեստներ ներառելն է, որպեսզի մշտական հաճախորդներն ամեն անգամ որևէ նոր բան փորձեն: Նախևառաջ, ուշադրություն է գրավում ճաշացանկի վերնամասը կամ անկյունները, ուստի այդտեղ են տեղադրվում ամենից թանկ ուտեստները:
Յուրահատուկ դեր ունի նաև ուտեստների անվանումը: Տարբեր երկրների խոհանոցային «անուններ կրող» ուտեստներն ավելի շատ են ուշադրության արժանանում, քան չեզոք ապուրները և աղցանները: Նման անվանումները հաճախ հյուրի և մատուցողի միջև երկխոսության են հանգեցնում, որի ընթացքում տրվում է պատվերը:
Գեղեցիկ երաժշտությունը և նարդոսի բույրը հյուրերին ստիպում են ավելի երկար մնալ ռեստորանում, ովքեր ավելի շատ ուտեստներ և ըմպելիք են պատվիրում:
Եթե ռեստորանը, այսպես ասած, «հստակ խոհանոցի չի պատկանում», ապա հաճախորդներին գրավելու հարցում օգնում է թարմ բեկոնի, թխվածքի և սուրճի բույրը:
