14-ամյա սկսնակ դերասան և երգիչ Ջեյդեն Սմիթն իր մամլո ասուլիսում տեղեկացրել է, որ ծնողների հետ հարաբերությունները շատ սառն են, այդ պատճառով էլ չի ցանկանում այլևս ապրել նրանց հետ։: Նա պայմանավորվել է հոր՝ Ուիլլ Սմիթի հետ, որ 15 տարին լրանալուն պես միանգամից կբաժանվի ծնողներից: Զարմանալի է, որ Ուիլ Սմիթը դեմ չէ դրան: Նա, իրոք, կարծում է, որ որդին հասել է այն տարիքին, որ կարող է մենակ ապրել: Դեռ պարզ չէ, թե գործը ինչով կվերջանա, սակայն Ջեյդենը միակ հոլիվուդյան զավակը չէ, ով ցանկանում է ծնողներից առանձին ապրել:
Հոլիվուդյան մեկ այլ աստղ՝ Միշել Ուիլյամսը, ժամանակին ծնողներից առանձին ապրելու մասին դիմում է ներկայացրել 15 տարեկան հասակում: Ծնողները դեմ են եղել, սակայն աստղին դա անհարժեշտ է եղել մանկական աշխատանքի մասին օրենքից խուսափելու համար: Այժմ նա շատ է զղջում՝ հասկանալով, որ դա հիմարություն էր:
Անցյալում իր սկանդալային արարքներով հայտնի Դրյու Բերիմորը 15 տարեկան հասակում արդեն երեք անգամ վերականգնողական կենտրոնում էր եղել, այնպես որ նրա համար դժվար չէր դատարանին համոզել, որ մայրն իրեն վատ է դաստիարակում: Դրյուն այնքան էր նեղացած մորից, որ նրան նույնիսկ հարսանիքին չհրավիրեց:
«Տանը միայնակ» ֆիլիմի դերասան Մակոլեյ Կալկինը նույնպես մանուկ հասակում բախվել է ծնողների անտարբերության հետ: Նա ընդամենը 14 տարեկան է եղել, երբ ծնողներն ամուսնալուծվել են: Իսկ գլխավոր պատճառը որդու հոնորարների բաժանումն էր: Զարմանալի չէ, որ այդ փաստը բարկացրել է Մակոլեյին, և ծնողներից բաժանվելու դիմում է ներկայացրել դատարան: Ծնողների ամուսնալուծության պատճառով նա մի քանի տարի ոչ մի տեղ չի նկարահանվել և կորել է ասպարեզից:
