Ռուսական RIA Novosti լրատվական գործակալության փոխանցմամբ՝ հնէաբանները Չինաստանում հայտնաբերել են պարեյազավրի (խոտակեր խոշոր մողես) մի շարք անհայտ տեսակների քարացած մնացորդներ, որոնք մոլորակի վրա ապրել են դինոզավրերից առաջ։
Այդ մասին նշված է Linnean Society Zoological Journal-ում հրապարակված հոդվածում։ Դրանում նշված է, որ վերջին տարիներին չինացի հնէաբանները Խուանխե գետի ափերին՝ Շանսի ու Շենսի նահանգներում, հայտնաբերել են պարեյազավրերի 6 տեսակներ։
Հաղորդվում է, որ դինոզավրերից առաջ մոլորակի վրա իշխել են հենց նման մողեսները, որոնցից խոշորագույնը հանդիսացել են պարեյազավրերը, որոնք ունեցել են նաև ամենատգեղ տեսքը։
Իր չափերով այն նման է գետաձիու և վարել է նրա նման կյանք՝ օրվա մի մասն անցկացնելով ջրային միջավայրում։ Նրանց գլուխն ու թիկունքը հագեցած են եղել ոսկրե հաստ զրահով, բազմաթիվ ցցերով ու ելուստներով։ Մինչ այժմ նրանց մնացորդները հայտնաբերվել էին միայն Ուրալում, Սիբիրում ու Հարավային Աֆրիկայում։
