ԴԱԻՇ ահաբելչական խմբավորման գրոհայինները կարող են խոշոր ահաբեկչություններ իրականացնել Եվրոպայում՝ հայտարարել է Եվրոպոլի տնօրեն Ռոբ Ուեյնրայթը։
«Սպասվում է, որ ԴԱԻՇ-ը կամ այլ կրոնական ահաբեկչական խմբավորումներ հարձակում կիրագործեն Եվրոպայում ինչ-որ տեղ, նպատակը կլինի բնակչության շրջանում մեծ թվով զոհերը»,- ասել է նա շվեյցարական Neue Zuercher Zeitung թերթին տված հարցազրույցում։
Հարցազրույցում եվրոպական ոստիկանության տնօրենն ընդգծել է, որ Եվրոպան ներկա պահին բախվել է 10 տարում խոշորագույն ահաբեկչական սպառնալիքի՝ հավելելով, որ ահաբեկչությունները կարող են իրականացնել ոչ միայն գրոհայինների խմբերը, այլև միայնակ ահաբեկիչները։
Տարբեր գնահատականներով՝ ծայրահեղական կազմակերպության շարքերում կռվում է 50-200 հազար գրոհային։
