Բրիտանական Daily Mail պարբերականը հայտնել է աստղերի ծիծաղելի և տարօրինակ կեղծանունները, որոնք նրանք օգտագործել են հյուրանոցներում գրանցվելու համար:
Մասնավորապես, դերասան Թոմ Հենքսը գերադասում է ճանապարհորդել որպես Հարի Լաուդեր, իսկ ռեալիթի շոուի աստղ Քիմ Քարդաշյանը մի անգամ «թաքնվել» է արքայադուստր Ժասմինի անվան տակ: Երգչուհի Նիկոլ Շերզինգերը հյուրանոցում իջևանել է «Սիմփսոններ» անիմացիոն սերիալի ուսուցչուհու՝ Էդնա Քրաբափլի անվան ներքո:
Երգիչ Ջասթին Բիբերը օգտագործել է «Ընկերներ» սերիալից Չենդլեր Բինգի անունը, իսկ Նատալի Փորթմանը՝ Լորեն Բրաուն անունը՝ «Գործակալ 007»-ից:
Jay Z-ն և Բեյոնսեն մի անգամ հյուրանոցներում գրանցվել են Ֆրենկ Սինատրայի և Ինգրիդ Ջեքսոնի անուններով, իսկ Բրեդ Փիթը և Անջելինա Ջոլին օգտագործում են միստր և միսիս Պիլաֆ կեղծանունը:
