Ակցիա. «Ապահով Հայաստանում գազը թանկացնում եք, որ ի՞նչ անեք» (լուսանկարներ)

Այսօր կառավարության շենքի ակցիայի մասնակիցները շարժվեցին Սարյան 22 հասցեում գտնվող Հանրային ծառայությունները կարգավորող հանձնաժողովի շենքի դիմաց: Հանձանժողովի դռները նախօրոք փակել էին, սակայն կոչերից հետո աշխատակազմի ղեկավար Միքայել Սողոմոնյանը դուրս եկավ լրագրողների և ակտիվիստների հետ զրուցելու: Նա, պատասխանելով լրագրողների հարցերին, ասաց, որ գազի սակագնի բարձրացումը դեռևս քննարկման փուլում է, և իրենք ամեն ինչ կանեն, որպեսզի հարցը լուծվի հօգուտ քաղաքացու: Սակայն նա չբացառեց, որ գազի սակագնի բարձրացումից հետո կբարձրանա նաև էլեկտրաէներգիայի գինը: Այժմ ակտիվիստները հանձնաժողովի դիմաց սպասում են Սողոմոնյանին, ով խոստացել է 10 րոպեից ընդունել երեք հոգանոց պատվիրակություն և լրագրողների:

Նշենք նաև, որ դեռևս կառավարության դիմաց ակցիայի մասնակիցները ոստիկաններին կոչ արեցին միանալ ստորագրահավաքին՝ նշելով, որ հակառակ դեպքում կարելի է ենթադրել, որ նրանք այլ եկամուտներ ունեն և գազի սակագնի թանկացումը նրանց վրա չի ազդում: Մինչ այժմ ոչ մի ոստիկան չի միացել ստորագրահավաքին:

Լուսանկարները՝ PanARMENIAN Photo-ի