Զիմբաբվեի կենտրոնում գտնվող Գվերու քաղաքում ցնցող պատահար է տեղի ունեցել՝ հուղարկավորության ժամանակ հանգուցյալը դուրս է եկել դագաղից:
Բազմաթիվ մարդկանց աչքի առջև 34-ամյա Բրայթոն Դաման նախ բացել է աչքերը, ապա՝ դուրս եկել դագաղից: Սակայն մարդիկ խուճապի չեն մատնվել, այլ զիջել են ճանապարհը: Այս մասին հաղորդում է Huffington Post-ը:
Հարություն առած աֆրիկացուն մարդիկ անմիջապես հիվանդանոց են տարել, որտեղ բժշկական հաստատության աշխատակիցները նրան կենսապահովման սարքավորումներ են միացրել:
2 օր անց ողջ ու առողջ Բրայթոնը դուրս է գրվել հիվանդանոցից:
Պետք է նշել, սակայն, որ Զիմբաբվեում նման դեպքերն այնքան էլ հազվադեպ երևույթ չեն:
