Կիևում որոնում են ամերիկացի բժիշկ Ջեյ Սլուփին, որը Ուկրաինայում էր որպես միսիոներ՝ ադվենտիստների հրավերով: Այս մասին հայտնում է Ուկրաինայի «Կոմսոմոլսկայա պրավդան»:
Սլուփը Սփոքանից (քաղաք ԱՄՆ-ի հյուսիս-արևմուտքում) Ուկրաինա էր գնացել մոտ 3 շաբաթ առաջ:
Վերջին անգամ նրան տեսել են մայիսի 14-ին, երբ նա վաղ առավոտյան տնից դուրս էր եկել՝ զբոսնելու: Կիևում նա զբաղվում էր առողջ ապրելակերպի կենտրոնի ստեղծմամբ:
Ընթացիկ շաբաթվա վերջին նա պատրաստվում էր վերադառնալ հայրենիք:
Իրավապահները արդեն խուզարկել են այն սենյակը, որտեղ նա բնակվել է:







































