ՍՄՆ Մինեսոտա նահանգի Դորսեթ բնակավայրի ղեկավար է դարձել 4-ամյա Ռոբերտ Տաֆտսը՝ հաղորդում է Orange News-ը:
Քաղաքի ղեկավարի հավակնորդների անունները դրվել են գլխարկի մեջ, որտեղից դուրս է բերվել երեխայի անունը:
Տղան լրագրողներին պատմել է, որ սիրում է զբոսնել Դորսեթով, շփվել քաղաքի բնակիչների հետ, պարել, ինչպես նաև ծնողների հետ գնալ ձկնորսության:
ԶԼՄ-ների ներկայացուցիչների հետ զրույցում Ռոբերտը հայտնել է, որ ունի ընկերուհի՝ Սոֆյա անունով:
Դորսեթի քաղաքապետի ընտրությունները ունեն հումորային բնույթ, քանի որ բնակավայրը, որպես այդպիսին, չունի սեփական քաղաքային իշխանություն: Այդ իսկ պատճառով այնտեղ ամեն տարի անցկացվում են քաղաքապետի ընտրություններ, որոնց ժամանակ քաղաքապետի անունը դուրս է բերվում գլխարկից:
