Բրիտանացի միլիարդատեր Ռիչարդ Բրենսոնն այսօր մեկ օրով դարձել է Air Asia ավիաընկերության բորտուղեկցորդուհի: Այս մասին հայտնում է Vesti-ն:
Twitter-ի իր բլոգում Virgin կայսրության հիմնադիրը մի քանի լուսանկարներ է տեղադրել իր նոր կերպարից՝ դիմահարդարմամբ, կարմիր կարճ կիսաշրջազգեստով: Գործարարը ստիպված է եղել փոխել սանրվածքը, նույնսկ սափրել ոտքերը՝ նոր կերպարին առավելագույնս համապատասխանելու համար:
Ինչպես պարզվել է, նա նման քայլի է դիմել ոչ սեփական կամքով: Պարզվում է, որ նա երեք տարի առաջ պարտվել է ասիական ավիափոխադրողի սեփականատեր Թոնի Ֆերնանդեսին: Ձեռնարկատերերը գրազ են եկել, թե ով կդառնա «Ֆորմուլա-1»-ի հաղթող:
Նշենք, որ Ռիչարդ Բրենսոնը թռիչք կիրականացնի ավստրալիական Փերթ քաղաքից Մալայզիայի մայրաքաղաք Կուալա Լամպուր:
