COPE-ն հայտնում է, որ Մադրիդի «Ռեալ»-ը հրաժարվել է «Ատլետիկո»-ի 27-ամյա հարձակվող Ռադամել Ֆալկաոյի տրանսֆերի ձեռքբերման գաղափարից:
Ներկայումս կողմերի միջև բոլոր բանակցությունները սառեցված են: Որոշման պատճառը ֆուտբոլիստի կողմից ներկայացված ֆինանսական բարձր պահանջներն են:
Այլ վարկածի համաձայն` կոլումբիացին հակված է «Չելսի» տեղափոխվել, որը, հավանաբար, կգլխավորի «արքայական ակումբ»-ի ներկայիս գլխավոր մարզիչ Ժոզե Մոուրինյոն:
Նշվում է, որ Ֆալկաոյի փոխարեն «Ռեալ»-ը կփորձի ձեռք բերել «Բորուսիա»-ի հարձակվող Ռոբերտ Լևանդովսկու տրանսֆերը:








































