Մոսկվայի «Սպարտակ»-ի բժիշկ Միխայիլ Վարդապետովը հայտնել է, որ ակումբի հարձակվող Յուրա Մովսիսյանի ապաքինումը հաջող է ընթանում: Վարդապետովը նշել է, որ Յուրան, հավանաբար, կարող է մասնակցել Հայաստանի ազգային հավաքականի` Մալթայի և Դանիայի ընտրանիների դեմ խաղերում (հունիսի 7-ին և 11-ին` համապատասխանաբար):
«Մովսիսյանը մարտական տրամադրվածություն ունի: Եթե իրադարձությունները շարունակեն նմանապես զարգանալ, Յուրան լիովին պատրաստ կլինի հանդես գալ ազգային թիմի կազմում:
Ֆուտբոլիստի ապաքինումը վերջին փուլում է: Նրան, պարզապես, չի բավարարում խաղային պրակտիկան, քանի որ Յուրան չի մարզվել ընդհանուր թիմի հետ: Առաջիկա շաբաթը որոշիչ կլինի:
Եթե Մովսիսյանին ոչինչ չանհանգստացնի, ապա նա կմասնակցի «Կրասնոդար»-ի դեմ խաղին: Ասեմ, որ Յուրան ցանկանում էր խաղադաշտ դուրս գալ դեռևս մեկ շաբաթ առաջ: Մեզ հազիվ էր հաջողվում զսպել նրան: Մովսիսյանին չի անհանգստացնում այն փաստը, որ նրա ցուցանիշները գերազանցել են լավագույն ռմբարկուների մրցակցությունում: Առաջին հերթին Յուրան թիմի մասին է մտածում»,- «Спорт Экспресс»-ը մեջբերում է Վարդապետովի խոսքը:
