Ռուսաստանի և ԱՄՆ-ի հատուկ ծառայությունները պայմանավորվել են համագործակցել Սիրիայում քիմիական զենքի կամ թունավոր նյութերի կիրառման վերաբերյալ տեղեկությունների շուրջ: Այս մասին հայտարարել է Ռուսաստանի արտգործնախարար Սերգեյ Լավրովը ԱՄՆ պետքարտուղար Ջոն Քերիի հետ բանակցությունների արդյունքներով՝ փոխանցում է ITAR-TASS-ը:
Սիրիայի զինված ընդդիմությանը զենք մատակարարելու մասին Կոնգրես մտցված օրինագծի ճակատագիրը կորոշվի Սիրիայում քիմիական զենքի հնարավոր կիրառման մասին տեղեկության մանրակրկիտ հետաքննումից հետո՝ ասել է ԱՄՆ պետքարտուղարը:
Նա հիշեցրել է, որ ԱՄՆ նախագահ Բարաք Օբաման հանձնարարել է այդ փաստը մանրակրկիտ ուսումնասիրել:
Քերին ընդգծել է, որ իր կարծիքով՝ Կոնգրեսը մանրամասն կքննի այդ ուսումնասիրության արդյունքները մինչ որևէ ռազմավարություն ընդունելը:
