Ռոդ Այլենդը դարձավ ԱՄՆ 10-րդ նահանգը, որտեղ օրինականացվեցին միասեռ ամուսնությունները, հաղորդում է Associated Press-ը:
Միասեռական զույգի առաջին ամուսնությունը տեղի կունենա օգոստոսի 1-ին:
Երեկ նահանգապետ Լինքոլմ Շաֆեն ստորագրեց օրենքը, որը նույն օրն ընդունել էր նահանգի Ներկայացուցիչների պալատը: Պալատի 56 անդամները կողմ էին արտահայտվել դրա ընդունմանը, 15-ը՝ դեմ:
Սենատը հաստատել էր համապատախան փաստաթուղթը ավելի վաղ այս տարի:
Միասեռ ամուսնություններն արդեն օրինականացվել էին Մասաչուսեթսում, Կոնեկտիկուտում, Նյու Յորքում, Վերմոնտում, Նյու Հեմփշիրում, Այովայում, Մենում, Մերիլենդում, Վաշինգտոնում, ինչպես նաև ԱՄՆ մայրաքաղաքի Կոլումբիա շրջանում:
Դեռ հինգշաբթի՝ մինչ Ներկայացուցիչների պալատի անդամների կողմից փաստաթղթի ընդունումն ու նահանգապետի կողմից ստորագրումը Կաթոլիկ եկեղեցին կոչ էր արել հրաժարվել Ռոդ Այլենդի օրենսդրությունում «անբարոյական» փոփոխությունների կատարումից:
