Սուրճը ոգեշնչման աղբյուր է: Շնորհիվ այդ բուրավետ ըմպելիքի՝ ստեղծվել են արվեստի շատ անմահ ստեղծագործություններ: Օնորե դե Բալզակը՝ «Մարդկային կատակերգության» հեղինակը, խոստովանում էր, որ «մեկ բաժակ սուրճից հետո ամեն ինչ բռնկվում է, մտքերս ձգվում են՝ ինչպես մեծ բանակի վաշտերը ճակատամարտի դաշտում»:
Համարվում է, որ սուրճին նվիրված առաջին ստեղծագործությունը եղել է Յոհան Սեբաստիան Բախի «Սուրճի կանտատը»: Բախը այս կատակերգական երաժշտական ստեղծագործությունը գրել է 1734թ. Լայպցիգի Ցիմերմանի սրճարանի պատվերով:
Շատ հայտնի սրճամոլներ համաշխարհային պատմություն են մտել՝ ստեղծելով հենց մի բաժակ թունդ սուրճից ոգեշնչված գլուխգործոցներ:
Սակայն ժամանակակից արվեստում սուրճով ստեղծվում են արվեստի աշխատանքներ:
Խոսքը ոչ միայն լատտե-արտի մասին է՝ նկարներ սուրճի մակերեսին: Թեև, անշուշտ, ժամանակակից բարմենները իրենց վարպետության մեջ հասել են աներևակայելի բարձունքների՝ ստեղծելով գլուխգործոցներ էսպրեսսոյից, կաթից ու փրփուրից:
Հերթական անգամ Լոնդոնյան սուրճի ամենամյա փառատոնի մասնակիցները կազմակերպել են ցուցադրություն:
Ստեղծելով իր նկարները՝ բրազիլացի նկարիչ Dirceu Veiga-ն սուրճն օգտագործում է որպես թանաք:
Տաղանդավոր նկարիչը երկար տարիներ նկարազարդել է մանկական գրքեր՝ ոգեշնչված սուրճից: Արվեստն ու սուրճը միավորելու նրա կիրքը առաջացել է 2007թ.:
Այդ ժամանակից ի վեր անվանի մարդկանց դիմանկարները՝ պատրաստված սուրճից, հայտնի դարձան ամբողջ աշխարհում:
Նա ստեղծել է Մերիլին Մոնրոյի ու Չարլի Չապլինի, Սթիվ Ջոբսի ու Էմմի Ուայնհաուսի դիմանկարները:
Սուրճի հետքերը նյութ են մալայզիացի Հոնգ Յիի համար, որը հաստատուն կերպով նվաճում է ժամանակակից արվեստի սիրահարների սրտերը: Նա իր դիմանկարները ստեղծում է սուրճի բաժակի հետքերի միջոցով:
Կորեացի արտիստ Չանգվո Լին իր ստեղծագործությունների համար նյութ է ընտրում աղացած սուրճը: Օգտագործելով լույսի ու ստվերի խաղը՝ աղացած սուրճը նրա ձեռքերում վերածվում է քանդակի ու դիմանկարների:
Լոնդոնի սուրճի փառատոնում ներկայացված էր Сoffee Art Project նախագիծը, որտեղ հավաքված են բրիտանացի արտիստների աշխատանքները՝ նվիրված սուրճին:
Դիմանկարում արտիստ Ֆիլիպ Լևինն է, որի հեղինակը լոնդոնցի լուսանկարիչ Դենիել Ռեգանն է:
Մեծ Բրիտանիայում հայտնի Լևինը իր գլուխն օգտագործում է որպես հարթակ՝ դրա վրա արարելու համար, բառիս իսկական առումով:
Հենց սուրճի հատիկներով դիմանկարն էր ներկայացվել հանրությանը փառատոնի շրջանակում:
Ոչ պակաս զարմանալի են սուրճի համերով փորձարկումները: Պարզվում է՝ սուրճից հնարավոր է խավիար պատրաստել: Բաղադրատոմսը պատկանում է իսպանացի շեֆ-խոհարար Ֆերրան Ադրային՝ հատուկ Lavazza ընկերության համար:
Նախկին մոդել Անաստասիա Տիտովան երկրորդ շունչ է հաղորդել սովորական լուսանկարներին՝ դրանք վերածելով զարմանալի 3D կոլաժների՝ միացված տարբեր նյութերով ՝ հին ամսագրեր, կտորներ, տերևներ, գույներ ու սուրճ:
