Մոխրոտիկների մասին հեքիաթներ մեր օրերում հաճախ են հանդիպում՝ Գրեյս Քելլին, դքսուհի Քեթրինը. այժմ նրանց է միացել նաև ամերիկացի հայտնի մոդել Քենդրա Սփիրսը: Աղջիկը ամուսնանում է արքայազն Ռահիմ Աղա Խանայի հետ:
Նշանադրության մասին նորությունն օրերս հրապարակվել է փեսացուի հոր՝ իսմայիլիտների մահմեդական համայնքի հոգևոր առաջնորդ Նորին թագավորական մեծություն Աղա Խանա IV-ի կայքում:
Տեղեկացվում է, որ զույգը նշանադրվել է մուսուլմանական ավանդույթների համաձայն: Հարսանիքից առաջ, հավանաբար, Քենդրան իսլամ կընդունի և արքայադուստր կդառնա: Տոնակատարության օրը դեռ հայտնի չէ:
24-ամյա Քենդրան որպես մոդել առաջին անգամ հանդես է եկել 2008 թ.: Նա համագործակցել է այնպիսի խոշոր բրենդների հետ, ինչպիսիք են Chanel-ը, Versace-ին, Dolce & Gabbana-ն, Giorgio Armani-ն, Prada-ն և Calvin Klein-ը:
Նրա ընտրյալը՝ 41-ամյա արքյազն Ռահմը, Աղա Խանայի ավագ որդին է: Ընդ որում, նրա հայրը ժամանակին ամուսնացել է անգլիացի մոդել Սառա Կրոկետ-Փուլի հետ, ով հարսանիքից հետո ընդունել է Սալիմա Աղա Խանա անունը: Իսկ Ռահիմի պապն ամուսնացած էր դերասանուհի Ռիտա Հեյվորթի հետ:
Արքայազն Ռահիմ Աղա Խանան և Քենդրա Սփիրսը
Քենդրա Սփիրս
