ԱԺ «Ժառանգություն» կուսակցության պատգամավոր Ռուբիկ Հակոբյանը ԱԺ հարցուպատասխանի ժամանակ հարց հնչեցրեց արտերկրում ուսանելու մեկնած ուսանողների թվի, նրանց սեռատարիքային կազմի ու վերադարձողների քանակի մասին, այնուհետև ընթերցեց կառավարության պատասխանը. «Կառավարության պատասխանի համաձայն՝ մեկնածների մոտ 80 տոկոսը արական սեռի ներկայացուցիչներ են, որոնք իմ վերլուծություններով՝ չեն ծառայել, ինչպես և վերադարձածների զգալի մասը: Դրան գումարենք, որ ասպիրանտուրայում սովորողների 90 տոկոսն արական սեռի ներկայացուցիչներ են և նրանցից միայն 4-5 տոկոսն է, որ հետագայում զբաղվում է գիտությամբ»:
Ստացվում է, որ հնարավորություն ենք ընձեռում Հայոց բանակից խուսափելու համար,- նշեց Ռ. Հակոբյանը:
Ի պատասխան ԿԳ նախարար Արմեն Աշոտյանը նշեց, որ սովորելու համար տարկետման գործընթացը նախկինում շատ ավելի լիբերալ էր, քան հիմա: «Երկու տարի առաջ առաջարկեցինք սահմանափակել տարկետման իրավունքը. միայն այն բուհերում, որոնք մտնում են աշխարհի լավագույն 500 բուհերի մեջ: Դուք առաջարկում եք տարկետումները վերացնել ընդհանրապես: Հաշվի առնելով, որ խնդիրն ունի նաև հասարակաքաղաքական հնչեղություն, մենք առաջարկել ենք, որ ԱԺ-ում ներկայացված բոլոր ուժերը մասնակցեն օրենսդրության քննարկմանը, որպեսզի այս հարցում լինի կոնսենսուս»:
Մանրամասները՝ տեսանյութում: