ԱՄՆ նախագահ Բարաք Օբաման ազգին ուղղված հեռուստաուղերձում հայտարարել է, որ ԱՄՆ-ը կվերանայի վիզային ռեժիմը, որի շնորհիվ երկիր է ներթափանցել կին ահաբեկիչ։
«Ես հանձնարարել եմ Պետդեպին ու ներքին անվտանգության նախարարությանը վերանայել առանց վիզայի ծրագիրը, որով Սան Բերնարդինոյի կին ահաբեկիչը մտել է մեր երկիր»,- ասել է նա։
Պետության ղեկավարը հիշատակել է Տաշֆեն Մալիկին, ով ծագումով Պակիստանից է և Միացյալ Նահանգներ է ժամանել Սաուդյան Արաբիայից։ Նա եղել է սահմանափակ հնարավորություններով մարդկանց կենտրոնի վրա իրականացված զինված հարձակման մասնակից։
Հիշեցնենք, որ Օբաման ավելի վաղ Կոնգրեսին կոչ էր արել սահմանափակել երկրում ավտոմատ զենքի վաճառքը։
