Լեհաստանի Կոլոբժեկ քաղաքում մեկնարկել է բռնցքամարտի Եվրոպայի երիտասարդական առաջնությունը: Այս մասին տեղեկացնում է Հայաստանի բռնցքամարտի ֆեդերացիայի մամուլի ծառայությունը:
Մրցումային առաջին օրը ռինգ է դուրս եկել Հայաստանի 2 պատվիրակ: 81 կգ Սոս Քոչարյանը 2:0 հաշվով պարտվել է լեհ Միշել Սոչժինսկիին, իսկ 49 կգ քաշային Ալեն Դանիելյանը 1/8 եզրափակիչ փուլում հաղթել է ռուս Անտոն Վորոբյովին:
Ալենը քառորդ եզրափակիչում մրցելու է Թուրքիան ներկայացնող Յուցել Բուրակի հետ:
Նոյեմբերի 22-ին ռինգ դուրս կգան 52 կգ քաշային Վահե Բադալյանը, 64 կգ քաշային Գառնիկ Պապիկյանը և 60 կգ քաշային Սպարտակ Թամարյանը: Վահեն սկսելու է պայքարը 1/8-րդ եզրափակիչից, իսկ Գառնիկն ու Սպարտակը մրցելույթներն սկսելու են 1/16-րդ փուլից:
