2013 թվականի նոյեմբերի 5-ի բախումների գործով երկու տարվա ազատազրկման դատապարտված, մայոր Արմեն Հովհաննիսյանի պատժի կրման ժամկետը լրանում է: Այսօր մինչև կեսօր նա «Վարդաշեն» քրեակատարողական հիմնարկից ազատ կարձակվի:
Տեղեկությունը երեկ «ՀԺ»-ի թղթակցի հետ զրույցում հաստատել է նրա կինը՝ Շողեր Հակոբյանը: Արմեն Հովհաննիսյանը դատապարտվել է ազատազրկման՝ մեղավոր ճանաչվելով խուլգանության մեջ: Այսօր լրանում է երկու տարին, ինչ «Ցեղակրոն» կուսակցության առաջնորդ Շանթ Հարությունյանն ու նրա ընկերները գտնվում են անազատության մեջ: 2013 թվականի նոյեմբերի 5-ին Շանթն իր ընկերների հետ Գայ Ֆոքսի դիմակներով «Անոնիմուսների երթ» էին սկսել Ազատության հրապարակից: