Բրիտանական Black Sabbath խումբն այլևս ալբոմներ չի ձայնագրի և իր գոյությունը կդադարեցնի հրաժեշտի The End շրջագայությունից հետո: Այս մասին Times-Picayune-ին տված հարցազրույցում հայտնել է խմբի անդամ Օզի Օզբորնը:
«Սա Black Sabbath-ի վերջն է, հավատացեք,- հայտարարել է Օզբորնը:- Դեկտեմբերին ես 68 տարեկան կդառնամ, և կարծում եմ՝ ժամանակն է վերջ տալ: Ես չեմ ասում, որ այլևս բեմ չեմ բարձրանա Գիզերի կամ Թոնիի հետ, բայց պաշտոնապես մենք պատրաստվոըւմ ենք ավարտել մեր պատմությունը»:
2014 թ. օզբորնը խոստացել է, որ Black Sabbath-ը ևս մեկ ալբոմ կձայնագրի և որ ինքը «պատրաստ է դրա հետևից Լուսին գնալ»: Երգիչն ասել է, որ խումբը հրաժարվել է այդ գաղափարից: Կլինի միայն հրաժեշտի շրջագայություն, որը կսկսվի 2016 թ. հունվարի 20-ին ԱՄՆ Ներբրասկա նահանգի Օմահա քաղաքում:
