Ռուսական RIA Novosti լրատվական գործակալության փոխանցմամբ՝ Ադրբեջանը կարող է ապագայում միանալ ռուսական ԳԼՈՆԱՍՍ-ի (գլոբալ նավիգացիոն արբանյակային համակարգ) զարգացմանը։ Այդ մասին այսօր հայտարարել է «Ազերկոսմոս» ընկերության ղեկավար Ռաշադ Նաբիևը:
«Ադրբեջանն ու Ռուսաստանը համագործակցում են տարբեր ուղղություններով։ Եթե մեզ հաջողվի ինչ-որ պահի մաս կազմել, նպաստել համակարգի զարգացմանը, ապա մենք հավանաբար կկարողանանք միանալ, սակայն դրա համար պետք է կողմերի միջև լինի փոխադարձ ըմբռնում»,- ասել է նա։
ԳԼՈՆԱՍՍ-ն ամերիկյան GPS նավիգացիոն համակարգի ռուսական համարժեքն է, սակայն դեռ նրան զիջում է տեղանքի ճշգրտման ցուցանիշով։