SHAMSHYAN.com-ի տեղեկություններով` քիչ առաջ ողբերգական դեպք է տեղի ունեցել Տավուշի մարզում: Ինչպես հայտնում է կայքը, Կողբի դիրքերից դեպի Կոթի գյուղ ընթանալիս սարում վթարի է ենթարկվել և մի քանի մետր ձորն է գլորվել ЗИЛ 131 մակնիշի ավտոմեքենան: Վթարի հետևանքով Կոթի գյուղի բնակիչ, 50-ամյա Բաբկեն Սարուխանյանը տեղում մահացել է, իսկ 48-ամյա Արտակ Անդրեասյանը մարմնական վնասվածքներով տեղափոխվել է Նոյեմբերյանի բժշկական կենտրոն: Այս պահին դեպքի վայր է ժամանել ոստիկանության Նոյեմբերյանի բաժնի օպերատիվ խումբը` բաժնի պետ Արմեն Անտոնյանի գլխավորությամբ:
Ժամանել են նաև ճանապարհային ոստիկանության 2-րդ սպայական գումարտակի 5-րդ վաշտի աշխատակիցները` վաշտի հրամանատար Էդգար Սուսլիյանի գլխավորությամբ: ժամանել է Տարածքային կառավարման և արտակարգ իրավիճակների նախարարության թիվ 64 հրշեջ -փրկարարական ջոկատը: Ֆոտոլրագրողի տեղեկություններով` մահացածն ու վիրավորը ծառայում էին ՀՀ ՊՆ N զորամասում և դիրքեր ջուր էին տեղափոխում զինվորներին: Վիրավորը կոչումով ՊՆ մայոր է:
Նյութն ամբողջությամբ՝ այստեղ:
