Fiat Chrysler Automobiles (FCA) ավտոմոբիլային հոլդինգը, որին պատկանում է Ferrari N.V. ընկերության 90%-ը, երկուշաբթի հայտարարել է Նյու Յորքի ֆոնդային բորսայում ընկերության բաժնետոմսերի առաջնային բաշխման ընթացակարգի սկզբի մասին: Այս մասին հայտնում է BBC-ի ռուսական ծառայությունը:
Ինչպես իր մամլո հաղորդագրության մեջ հայտնում է ընկերությունը՝ վաճառքի կհանվի FCA-ին պատկանող ավտոարտադրողի բաժնետոմսերի 9%-ը՝ 90%-անոց փաթեթից:
Մեկ բաժնետոմսի դիմաց գնային սահմանը տատանվում է 48 և 52 դոլարների միջև: Վերլուծաբանների գնահատմամբ՝ հաջող տեղաբաշխումը կարող է ընկերության գինը բարձրացնել մինչև մոտավորապես 10 մլրդ դոլար:
IPO-ի ավարտից հետո FCA-ն կմնա Ferrari-ի բաժնետոմսերի 80%-ի տերը:
