Հայտնի ռեփեր Թուփակ Շակուրի նամակը, որը նա գրել է բանտում, աճուրդի է դրվել 225 հազար դոլարով: Նամակում նա ներկայացրել է կյանքի իր փիլիսոփայությունը՝ հայտնում է NEWSru.com-ը:
Նամակը ձեռագիր է: Նամակում Թուփակը գրել է. «Ավազակային կյանքն ինձ համար մեռել է: Թող ուրիշ մեկը դրանով զբաղվի, որովհետև ես հոգնել եմ»:
Նշվում է, որ այդ ժամանակ Շակուրը, որը փոխհրաձգության մասնակից է եղել և ձերբակալված է եղել բռնաբարության մեղադրանքով, տարվել է Նիկոլո Մաքիավելիի և Սուն Ցզիի գործերով:
«Շատերը երբեք չեն հասնում ավազակային կյանքի հաջորդ մակարդակ: Նրանք կախված են դառնում մահվանից: Ճակատագրի իրական տերը գիտի՝ երբ է պետք գնալ… Ես ուզում եմ, որ իմ բոլոր տղաներն իմանան, որ կա ևս մեկ մակարդակ»,- գրել է նա:
Ազատ արձակվելուց մեկ տարուց պակաս ժամանակ անց՝ 1996թ., 25-ամյա Թուփակը սպանվել է Լաս Վեգասում հերթական փոխհրաձգության ժամանակ: Սպանությունը առայսօր բացահայտված չէ:
