Երևանի ավագանու ընտրություններում ԲՀԿ-ի կարգախոսները հիշեցնում են 2009թ. ընտրությունների ժամանակ ընդդիմադիր Հայ ազգային կոնգրեսի կարգախոսը: Եթե այն ժամանակ ՀԱԿ-ն ավագանու ընտրություններին մասնակցում էր «Փոխենք Հայաստանը, սկսենք Երևանից» կարգախոսով ապա հիմա ԲՀԿ-ն է կոչ անում «Սկսենք Երևանից», «Փոխելու ենք»:
ԲՀԿ խոսնակ, Աժ պատգամավոր Տիգրան Ուրիխանյանը «Ժողովուրդ»-ի հետ զրույցում կարգախոսների նմանությունը մեկնաբանեց այսպես. «ԲՀԿ ներկայացուցիչները երկար ժամանակ խոսում են փոփոխությունների անհրաժեշտության մասին, և բնական է, որ եթե ոչ մենք, ապա էլ ո՞վ պետք է այս ընտրությունների շանսն օգտագործի փոփոխություններ իրականացնելու համար»: