Սերժ Սարգսյանի գլխավոր ռազմական տեսուչ, ՀՀ պաշտպանության նախկին նախարար Միքայել Հարությունյանը երեկ Armtimes.com-ի հետ զրույցում հայտարարեց, որ Ադրբեջանը համարժեք պատասխան է ստացել Տավուշի մարզի նախօրեի գործողությունների համար:
– Պարոն Հարությունյան, վերջին օրերի այս լարվածությունը լայնածավալ ռազմական գործողությունների կարո՞ղ էհանգեցնել:
– Ես համոզված եմ, որ ոչ, սահմանային այս դեպքերը ոչ առաջինն են, ոչ վերջինը: Մենք տեսնում ենք, որ Ադրբեջանի նույն ոճն է, երբ պետք է Ղարաբաղի հարցով բարձրաստիճան պաշտոնյաների հանդիպում տեղի ունենա, այսպիսի դեպքեր են գրանցվում: Ադեկվատ պատասխանը նրանք արդեն ստացել են և կստանան: Ադրբեջանի ղեկավարությունը պետք է հասկանա, որ երբ այսպիսի քայլերի են գնում, ունենալու են զոհեր իրենց ժողովրդի շրջանում: Մենք, իհարկե, պետք է պատրաստ լինենք պատերազմի, բայց ես համոզված եմ, որ դա չի լինի մոտակա ժամանակներս:
– Ե՞րբ կարող է լինել:
– Այն ժամանակ, երբ իրենք պատրաստ կլինեն և կիմանան, որ մեզանից ուժեղ են: Հիմա նրանք գիտեն, որ մեզանից ուժեղ չեն:
– Ճի՞շտ է, երեկ իրենք 5 զոհ են ունեցել, հենակետ է վերացվելև այլն:
– Մենք ադեկվատ պատասխանը տվել ենք: Իրենց զոհերի մասին թող իրենք խոսեն:
– Իրենք սկսել են խոշոր տրամաչափի զինատեսակներ կիրառելնաև խաղաղ բնակչության վրա, սա ինչո՞վ էպայմանավորված:
– Դժվար է ասել, բայց իրենք լավ պիտի հասկանան, որ եթե այդպիսի զենքեր են կիրառում, նույնը ստանալու են մեր կողմից: Այդ զենքերից մենք էլ ունենք և քիչ չունենք: Իսկ խաղաղ բնակչության վրա դրանց կիրառումը մարդկային մոտեցում չէ: Խաղաղ բնակչի վրա կրակելը զինվորականի գործ չէ, դա անմարդկային մոտեցում է:
Ամբողջությամբ՝ սկզբնաղբյուր կայքում
