Սիրիացի փախստականի մեջ, որին ոտքով հարվածել է հունգարական հեռուստաալիքներից մեկի լրագրողը, հայրենակիցները ճանաչել են «Ալ-Քաիդայի» գրոհայինի: Այս մասին գրում է International Business Times-ը:
Օսամա Աբդուլլա Մոսհենի պատմությունը մեծ արձագանք է գտել աշխարհում: Հիշեցնենք. թղթակից Պետրա Լազլոն հարվածել է նրան, երբ նա փորձել է ճեղքել իրավապահների պատնեշը Սերբիայի հետ սահմանին Ռեսկե ճամբարից փախչելուց հետո: Հեռուստաալիքը հեռացրել է լրագրողին, իսկ Մոսհենը ֆուտբոլային մարզչի աշխատանք է ստացել Իսպանիայում:
Սակայն ավելի ուշ քրդական «Դեմոկրատական միություն» կուսակցության ներկայացուցիչները պաշտոնական հայտարարություն են հրապարակել, որում հայտնել են, որ Մոսհենը Սիրիայում «Ալ-Քաիդայի» «Ջեբհաթ ան-Նուսրա» թևի գրոհային է: Որպես ապացույց նրանք ներկայացրել են սոցցանցերից մեկում նրա ջնջված էջից սքրինշոթերը, որտեղ նա գրել է ահաբեկիչներին իր պատկանելության մասին:
