ՀԱԿ խմբակցության որոշ ներկայացուցիչներ իրենց գնահատականներով չեն տարբերվում ՀՀԿ-ականների գնահատականներից: Քիչ առաջ Ազատության հրապարակում այս մասին ասաց «Ժառանգություն» խմբակցության ղեկավար Ռուբեն Հակոբյանն՝ անդրադառնալով ներքաղաքական զարգացումներին:
Նա նկատեց, որ հարթակի շարժման նվաճումներից մեկն այն էր, որ քաղաքական սպեկտորը հնարավորություն ունեցավ խոսելու իր ծրագրերից: Ռուբեն Հակոբյանը հստակեցրեց, որ նրանք, ովքեր ուշադիր են, գիտեն՝ Ազատության հարթակը ղեկավարում է շարժման լիդերը:
«Պետք է ասեմ, որ շատ է հայտարարվում, որ շարժման հետ են, բայց այսօր հնարավոր է նաև անուններ տամ: ՀԱԿ խմբակցության որոշ ներկայացուցիչներ իրենց գնահատականներով չեն տարբերվում ՀՀԿ ներկայացուցիչների գնահատականներից, թեև կան ներկայացուցիչներ, որոնք պաշտպանում են շարժումը:
Հիշեցնում ենք, որ քաղաքապետարանի ընտրություններ են, պաստրաստ ենք համագործակցել բոլոր ոչ իշխանական ուժերի հետ, եթե իսկապես կա տրամադրություն համագործակցության եզրեր փնտրելու, բայց մյուս կողմից մենք խորհուրդ ենք տալիս, որ պաշտպանեն իրենց խոսքը, որպես թիմ և չհարվածեն շարժմանն ու Րաֆֆի Հովհաննիսյանին»,- նման տեսակետ հայտնեց Ռուբեն Հակոբյանը:
