Պորտուգալիայի ազգային հավաքականի գլխավոր մարզիչ Պաուլու Բենտուն հայտնել է Ադրբեջանի ընտրանու դեմ կայանալիք խաղից իր ակնկալիքների մասին:
Մասնագետը նախ խոսել է իր հայրենակիցների հետ առանց թարգմանչի օգնության, այնուհետև սկսել է պատասխանել լրագրողների հարցերին: Բենտուն հրաժարվել է մեկնաբանել, թե ինչու է մամլո ասուլիսի սկզբում հրաժարվել թարգմանչի օգնությունից:
«Մենք խաղալու ենք մի թիմի դեմ, որը կարողանում է պաշտպանվել: Առաջին հանդիպմանը մրցակիցը ցուցադրեց իր հնարավորությունները: Այստեղ ավելի բարդ կլինի, քան Պորտուգալիայում: Սակայն մենք ջանք չենք խնայի և հաղթանակ կտանենք Բաքվում:
Չեմ կարծում, թե Ադրբեջանին պարտվելը ողբերգություն կլինի: Պարզապես նման արդյունքի մասին ընդհանրապես չենք մտածում: Պետք է հաղթանակ տանենք»,- հայտարարել է մասնագետը:
