Ռուսաստանի նախագահ Վլադիմիր Պուտինն ասում է, որ առավոտները նախաճաշում է պարզ կաթնաշոռով կամ շիլայով, իսկ հետո ամբողջ օրն աշխատում է հանուն Ռուսաստանի՝ միայն հազվադեպ շեղվելով սպորտային հերոսությունների և կամ ստորջրյա արկածների համար: Այս մասին ասվում է բրիտանական The Times պարբերականի հոդվածում:
«Անցած հանգստյան օրերին Կրեմլի ճգնավոր առաջնորդ Վլադիմիր Պւտինին լուսանկարել են իր վարչապետ Դմիտրի Մեդվեդևի հետ առավոտյան մազման ժամանակ սպորտդահլիճում, և պարզվում է, որ պրն Պուտինի հայտնի չափավորությունը չի տարածվում նրա սպորտային զգեստապահարանի վրա: Բլոգերները նկատել են, որ Ռուսաստանի նախագահի մարզահագուստն ավելի քան 2000 ֆունտ արժե»,- ասվում է հոդվածում:
Ուշադիր հետևողները պարզել են, որ պրն Պուտինը կրել է իտալական Lora Piana ֆիրմայի մետաքսից-քաշմիրից վերնազգեստ և տաբատ: Դրանք վաճառվում են 990 ֆունտով և 1175 ֆունտով համապատասխանաբար:
Պարբերականը նշում է, որ դա հագուստի սպորտային ընտրություն է շրջանում, երբ շատ ռուսներ դժվարությամբ են ծայրը ծայրին հասցնում: «Էժանացող նավթը, անկում ապրող ռուբլին և արևմտյան պատժամիջոցներն ուժեղ հարվածում են ռուսական տնտեսությանը»,- գրում է թերթը:
«Սակայն ռուսական քաղաքական էլիտան պճնազարդվում է թանկարժեք հագուստով և աքսեսուարներով՝ չվախենալով ոչ մի հետևանքից: Ամռանը պրն Պուտինի մամլո քարտուղար Դմիտրի Պեսկովին գեղասահքի օլիմպիական չեմպիոնուհի Տատյանա Նավկայի հետ իր հարսանիքին լուսանկարվել է Richard Mille ժամացույցը ձեռքին, որն արժե 400 000 ֆունտ: Նա հայտարարել է, որ այդ ժամացույցը կնոջ նվերն է»,- բերում է պարբերականը:
Չնայած ճգնավորի իր իմիջին, որը պահում են պետական ԶԼՄ-ները՝ նախագահ Պուտինը կրում է Brioni իտալական ապրանքանիշի՝ պատվերով կարված կոստյումներ, նշում է թերթը:
«Պրն Մեդվեդևը ևս թանկարժեք իրեր սիրում է. նրա հին տնային ֆոտոշարքում բլոգերները նկատել են ստերեոհամակարգ, որը 130 000 ֆունտ արժե»,- ասվում է հոդվածում:
