Ադրբեջանական Turan լրատվական գործակալության փոխանցմամբ՝ ԱՄՆ Կոնգրեսի Հելսինկյան հանձնաժողովը խստապես քննադատել է Ադրբեջանի իշխանություններին՝ կապված լրագրողուհի Խադիջա Իսմայլովային 7.5 տարվա ազատազրկման դատապարտելու հետ։ Հանձնաժողովի նախագահ Քրիստոֆեր Սմիթն ու համանախագահ, սենատոր Ռոջեր Ուոքերը հայտարարել է. «Մենք խորապես մտահոգված ենք այդ դատավճռի ու տիկին Իսմայլովային դատապարտելու կապակցությամբ։ Նա ազատազրկման է դատապարտվել Ադրբեջանի կառավարությունում կոռուպցիոն դեպքերը բացահայտելու իր փորձերի համար։ Նախորդ տարվա դեկտեմբերին նրա կալանավորումն ու Բաքվում «Ազատություն» ռադիոկայանի բյուրոյի փակումն ուղիղ հարձակումներ են մամուլի ազատության դեմ։
Այդ գործողություններն ուղիղ հակասում են Ադրբեջանի ներքին օրենքներին ու միջազգային բազմաթիվ պարտավորություններին։ Մենք Ադրբեջանի իշխանություններին կոչ ենք անում անհապաղ ազատ արձակել Իսմայլովային և մյուս բոլոր «խղճի բանտարկյալներին»։
