Զատիկին ընդառաջ՝ շուկայում թանկացումները հիմնականում ազդել են ձվի գների վրա: Նախկին 50-ից 60-ի փոխարեն հիմա ձու հնարավոր է գնել միջինը 70 դրամով: Շուկայի տարբեր մասերում գները տատանվում են՝ կախված սակարկության արդյունքից…
«Առաջին լրատվական»-ը շրջեց Երևանի շուկաներից մեկում: Մեր հարցերին ի պատասխան՝ վաճառողներն ասացին, որ գների թանկացումը պայմանավորված է գյուղացու թելադրած գնով, սակայն դրան ավելացնում են նաև իրենց մասնաբաժինը. «Գյուղացին ինչ գնով տալիս է, այդ գնով էլ վաճառում ենք»:
Շուկայում անհանգստացնող է նաև կանաչեղենի և պանրի գների բարձրացումը: Սիբեխի ոչ մեծ տրցակը կարելի է գնել միայն հազար հինգ հարյուր դրամից սկսած, իսկ տնական պանրի գները հազար չորս հարյուր դրամից են սկսվում՝ թանկացել է շուրջ երեք հարյուր դրամով:
Ըստ վաճառողների՝ նույնն են մնացել ձկան գները: Սակայն մեր հարցին ի պատասխան՝ գնորդներից մեկն ասաց, որ փոքր սիգը 800 դրամից է սկսվում, իհարկե, թանկացում կա:
Մանրամասները՝ տեսանյութում:
