Այսօր հրավիրված մամուլի ասուլիսի ընթացքում լրագրողները ԱԻՄ առաջնորդ Պարույր Հայրիկյանից հետաքրքրվեցին. «քանի որ մոտենում է Ցեղասպանության տարելիցը, ի՞նչ է կարծում Հայրիկյանը ԱՄՆ նախագահ Օբաման կարտաբերի Ցեղասպանություն բառը, չնայած անցյալ տարի արտաբերելու հավանականությունը ավելի մեծ էր, քանի որ օրակարգում էր հայ-թուրքական արձանագրությունը». Պարույր Հայրիկյանի խոսքերով լավատես լինելը վատ չէ, բայց, եթե հորթային երջանկության համար է, դա այլ հարց է և ավելացրեց, որ եթե նրանց նախագահը ամեն տարի խոսում է Ցեղասպանության մասին, դա էլ իր հերթին բավարար է և առաջարկեց,որ հայերը խոսեն ոչ թե Ցեղասպանությունից, այլ Ցեղասպանության հետևանքների վերացման մասին:
«Օբամիկ, դու չես հասել Ռեյգանի մակարդակին, ով խնդիր չուներ խոսելու Ցեղասպանության մասին: Ռեյգանին արհամարհու՞մ ես` Աստված քեզ հետ` կհանդիպեք մյուս աշխարհում կխոսեք»,-նշեց Հայրիկյանը և ավելացրեց. «Ցեղասպանության արտաբերմանը սրտի թրթիռով սպասում են Սփյուռքի հայերը, քանի որ նրանք հայրենիք չունեն, իսկ մենք հայրենիք ունենք և ապրում ենք այդ հայրենիքում»:
